Schafft eng Preventiounsprozedur fir Är Administratioun aus zum Thema Mobbing a psychosozial Risiken

Agenten op engem Direktiounsposten, Agenten déi am Beräich Ressources Humaines schaffen.

Den Service psychosocial vun der Fonction Publique proposéiert Iech en Atelier vun 2 Deeg - cibléiert fir GRH’en an Chef.fes d'administration, zum Thema Harcèlement, demande de protection an hirem Lien mat den psychosoziale Risiken.

Et ginn effektiv Obligatiounen am Statut vun der Fonction publique zu deenen Themen, wou Verwaltungen bei der Ëmsetzung oft op Problemer stoussen. Awer och d’Ëmsetzen vun konkreten Mesuren wat den Schutz vun der (mentaler) Gesondheet vun den Agenten an dat erof setzen vun psychosozialen Risiken (och Mobbing oder Konflikt) ass net ëmmer einfach.

An dësem Atelier hutt Dir d'Chance, zesummen mam Service psychosocial vun der Fonction publique un enger individueller Strategie a Prozedure fir d'Preventioun vu psychosozialen Risken a vun der Protektioun vun Ären Agenten ze schaffen.

Dir kritt d'Méiglechkeet, Är aktuell Situatioun an der Administratioun en profondeur z'analyséieren, nei Tools kennenzeléieren an an engem konstruktiven Austausch mat Experten an aneren Participanten ze kommen an best practices ze deelen. Ziel ass et, Iech als GRH'en oder Chef.fes d'administration, an Ären Efforten fir d'Gesondheet vun all Agent ze schützen an ze ënnerstëtzen.

Et handelt sech also net em eng standardiséiert Formatioun – mee em e Format, dat Äert spezifescht Aarbechtsëmfeld mat en compte hëlt – alles valoriséiert wat Dier schonn gutt maacht an do ze ergänze wou et fir Iech sënnvoll ass. Zil ass et, datt Dir no dësen 2 Deeg mat engem konkreten Aktiounsplang an der Hand erausgitt, deen direkt ëmgesat ka ginn.

Um Schluss vun der Formatioun ass den Participant kapabel:

• D'Gesetzer, déi am Kader vum Mobbing a vun der mentaler Gesondheet op der Aarbechtsplaz gëllen, an hirer Verwaltung uwenden.
• Mobbing als psychosozial Gefor erkennen an et vum Konflikt ënnerscheeden.
• D'Zesummenhäng tëschent psychosoziale Geforen an der Gesondheet vun den Agenten erkennen, souwéi d'Obligatiounen vum Employeur identifizéieren.
• D'Obligatiounen vum Employeur beim Schutz vun den Agenten identifizéieren.
• D'Aktiounen bestëmmen, déi am Fall vun enger Kris/ Noutsituatioun ze huele sinn.
• Bestëmmen, wéi eng Moossnamen een als Persoun an enger Schlësselpositioun fir de Schutz vun den Agenten am Kader vun der Preventioun ergräife muss.
• Eng éischt Versioun vun enger interner Prozedur ausschaffen, zum Schutz vun den Agenten géint psychosozial Gefore.

• Dans un premier temps, nous transmettrons votre demande d'inscription au formateur qui procédera à sa validation. Si le critère d'éligibilité est rempli, la formation sera confirmée et une confirmation de participation vous sera envoyée en temps utile.
• Pour garantir une participation équilibrée, la capacité d'accueil est limitée à deux personnes par administration.

• EC-4818-01 : 9. an 10. Juni 2026 (09h00–12h00 an vun 13h00-16h00)
• EC-4818-02 : 10. an 12. November 2026 (09h00–12h00 an vun 13h00-16h00)

Well et bei dëser Formatioun ëm d'konkret Ausschaffe vun enger Prozedur geet, gëtt recommandéiert, sech zu zwee Participanten pro Administration/Ministère/Gemeng unzemellen. Et gëtt eng zousätzlech Sessioun ugebuede fir d’Interessenten, déi iwwert d'Ëmsetzung vun der Prozedure, déi wärend der Formatioun erschafft gouf, diskutéiere wëllen. Dës fënnt ca. sechs Méint no der Formatioun statt. D'Umeldung fir dës Sessioun ass op fräiwëlleger Basis an d’Stonne ginn net op de Formatiounskont vun de Participante gerechent. Dës Formatioun viséiert, d’Aféierung vu Schutzprozeduren fir d’Agenten an den Administratiounen ze fërderen, a si ass net dofir geduecht, en direkte Support fir den Agenten an enger Mobbingssituatioun ze bidden. Falls Dir Iech an esou enger Situatioun befannt an eng privat a vertraulech Berodung wënscht, rode mir Iech, Iech direkt un de Service psychosocial ze wenden (Tel.: 247-73100 oder service- psychosocial@mfp.etat.lu).